IN Skin

IN Skin – Flower of Skin

Një aromë shumë e butë dhe harmonike që përzihet bukur me lëkurën, duke dhënë ndjesinë e pastërtisë absolute. Është një parfum floral i pastër, paksa “soapy”, me një efekt pudër shumë të këndshëm që të kujton një ditë të qetë me shi apo një fllad veror që vjen nga fusha me lule.

Në hapje ndjehen nota aldehidike dhe florale, të freskëta dhe të lehta, që krijojnë një ndjesi ajri të pastër dhe elegance natyrale. Në zemër, irisi dhe trëndafili turk sjellin një butësi klasike dhe shumë femërore. Ndërsa në bazë, parfumi merr një kthesë interesante dhe pak misterioze, me nuanca karrote dhe pudre, të shoqëruara nga musk, dru sandali dhe një prekje e lehtë lëkure, që e bëjnë shumë komod dhe të rafinuar.

Në përgjithësi, është një aromë që të bën të ndihesh e pastër, e bukur dhe e qetë. Nuk është aspak e rëndë apo agresive, por mbetet elegante dhe e sofistikuar – perfekte për përdorim të përditshëm dhe ambiente profesionale. Një zgjedhje ideale për dikë që kërkon një parfum të lehtë, të këndshëm dhe shumë të rregullt në prezencë.

Notat kryesore:

• Notat e sipërme: aldehide, piper rozë, angelica, bergamot
• Notat e mesme: iris, trëndafil turk
• Notat bazë: musk, musk bimor, karrotë, ambergris, sandelwood, lëkurë, amberwood

* Produkti “parfum” përmban 30% vaj aromatik.
* Produkti “eau de parfum” përmban 20% vaj aromatik.
* Të gjitha produktet përgatiten me porosi; nuk mbajmë stok.